ՊԵՐԵՍԼԱՎԼ, 6 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Պերեսլավլցի արտագերատեսչական պահպանութեան երկու աշխատակից
կողոպտել են տեղի մի գաստարբայտերի (օտարերկրացի վարձու աշխատող):
Նախաքննութեան վարկածի համաձայն, տղամարդուն միլիցիոներները ծեծել
են նրա ազգային պատկանելութեան պատճառով:
Ինչպէս պարզել է քննութիւնը, հայ տղամարդը ուսով կպել է
անցորդի: Վերջինս օգնութեան է կանչել իր ընկերներին` վարորդին եւ
արտագերատեսչական պահպանութեան մարտիկին: Միլիցիոներները ասել են,
որ կովկասցուն, ի տարբերութիւն բնիկ յարոսլավցիների, պէտք չէ ուշ
երեկոյեան զբոսնել փողոցում: Եվ սկսել են ծեծել նրան, հաւաստիացնում
է քննութիւնը: Միլիցիոներները նրանից վերցրել են բջջային
հեռախօսը:
Ինչպէս գրում է «Երկրամասը», այժմ ՌԴ դատախազութեանն առընթեր
քննչական կոմիտէի Յարոսլավլի մարզի քննչական վարչութեան
պերեսլավյան միջշրջանային քննչական բաժինը կողոպուտի փաստի
առնչութեամբ ստուգումներ է կատարում: Առաջիկայում քննիչները
պատարստւում են քրէական գործ հարուցել արտագերատեսչական
պահպանութեան աշխատակիցների նկատմամբ «պաշտօնական
լիազօրութիւնների գերազանցում բռնութեան կիրառմամբ» յօդուածի
յատկանիշներով: Իսկ դա նշանակում է, որ միլիցիոներներին սպառնում է
մինչեւ 10 տարուայ ազատազրկում: