ԵՐԵՎԱՆ, 8 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի կառավարութեան հոկտեմբերի 8-ի նիստում որոշուեց «Շամբ բիզնես» ՍՊԸ-ի համար 300 մլն դրամը գերազանցող ապրանքների ներմուծման դէպքում մաքսային մարմինների կողմից հաշուարկուած աւելացուած արժէքի հարկի (մօտ 810 հազ. ԱՄՆ դոլար) վճարման ժամկէտը յետաձգել մինչեւ 3 տարով: Ինչպէս նիստում նշեց ՀՀ էկոնոմիկայի նախարար Ներսէս Երիցյանը, այս ընկերութիւնը Սիւնիքի մարզում զբազվում է սննդի վերամշակմամբ եւ աւելի քան 300 մլն դրամ արժէքով սարքաւորումներ պէտք է ներկրի: ՀՀ վարչապետ Տիգրան Սարգսեյանի խօսքերով, սա արդէն ԱԱՀ-ի վճարումը յետաձգելու 2-րդ նման որոշումն է: Ըստ նրա, օրէնքն արդէն սկսել է գործել, ինչն էլ նպաստում է Հայաստանում ներդրումային ծրագրերի իրականացմանը:

---