ԵՐԵՎԱՆ, 16 ՅՈՒԼԻՍԻ, ՆՈՅԵԱՆ ՏԱՊԱՆ: Հայաստանի կառավարութեան յուլիսի 16-ի նիստում ընդունուեց «WGS-84» գեոդեզիական կորդինատի համակարգում տեղագրական քարտեզների եւ հատակագծերի բաց հրատարակման ընթացակարգը կարգաւորելու մասին» նախագիծը: Ինչպէս նիստին յաջորդած ճեպազրույցում յայտնեց ՀՀ Անշարժ գոյքի կադաստրի պետական կոմիտէի նախագահի տեղակալ Աշոտ Մուսայանը, «WGS-84»-ի նպատակն է տնտեսութեան տարբեր բնագաւառներին ապահովել օգտագործման համար բաց քարտեզներով ու հատակագծերով: Նշուեց նաեւ, որ Հայաստանում ներդրուած «WGS-84» համաշխարհային գեոդեզիական կորդինատային համակարգը օգտագործման համար բաց է բոլոր մարմինների համար: «WGS-84» գեոդեզիական կորդինատի համակարգը Հայաստանում ներդրուել է 2002թ.-ին, որով Հայաստանը ընդգրկուել է եւրոպական գեոդեզիական համակարգի ցանցում:

---