Հայաստանի վարչապետը եւ «Գազպրոմբանկ»-ի կառավարման խորհրդի նախագահը քննարկել են Հայաստանում բանկի կապիտալի աւելացման հեռանկարները
08-10-2010 14:52:00 | Հայաստան | Տնտեսութիւն
ԵՐԵՎԱՆ, 8 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի վարչապետ Տիգրան Սարգսեյանի եւ «Գազպրոմբանկ» ԲԲԸ-ի կառավարման խորհրդի նախագահ Անդրեյ Ակիմովի հոկտեմբերի 8-ի հանդիպմանը կողմերը գոհունակութիւն են յայտնել փոխգործակցութեան դինամիկ զարգացման առնչութեամբ եւ քննարկել Հայաստանում «Գազպրոմբանկ»-ի կապիտալի աւելացման հեռանկարները: Այդ համատեքստում կողմերը կարեւորել են էներգետիկայի ոլորտում եւ ֆինանսական շուկայի զարգացման ուղղութեամբ համագործակցութեան խորացումը:
Ըստ ՀՀ կառավարութեան Տեղեկատուութեան եւ հասարակայնութեան հետ կապերի վարչութեան հաղորդագրութեան, հանդիպմանը մասնակցում էին նաեւ «Առէկսիմբանկ-Գազպրոմբանկի խումբ» ՓԲԸ-ի խորհրդի նախագահ, «հայռուսգազարդ» ՓԲԸ-ի կառավարման խորհրդի նախագահ, գլխաւոր տնօրէն Կարեն Կարապետեանը եւ «Առէկսիմբանկ-Գազպրոմբանկի խումբ» ՓԲԸ-ի գլխաւոր տնօրէն Արմէն Խանդկարյանը:
ԴԱՍ. ՀԱՅԵՐԵՆ 
Հայերեն
Русский
English
French
