Հարաւային Կորեայի եւ ԱՄՆ-ի զինուած ուժերը փոխադրուել են
մարտական բարձր պատրաստութեան ռեժիմի
29-05-2009 15:17:00 | | Միջազգային
ՍԵՈՒԼ, 29 ՄԱՅԻՍԻ, ՆՈՅԵԱՆ ՏԱՊԱՆ: Հարաւային Կորեայի եւ ԱՄՆ-ի
զինուած ուժերը փոխադրուել են մարտական բարձր պատրաստութեան վիճակի,
երբ ԿԺԴՀ ղեկավարութիւնը յայտարարել է, որ այլեւս մտադիր չէ
պահպանել 50 տարի առաջ կնքուած եւ Կորեական պատերազմին վերջ դրած
հրադադարի պայմաններին, հաղորդում է բիբիսի-ն:
Հարաւային Կորեայի պաշտպանութեան նախարարութիւնում յայտնել
են, որ ակտիւացնում են հետախուզական գործողութիւնները ԿԺԴՀ
նկատմամբ:
«Հյուսիսցիներին հետեւելը կուժեղացուի մեծ թւով օդուժի
կիրառման եւ լրացուցիչ մոբիլիզացման հաշուին»,- յայտարարել է
նախարարութեան ներկայացուցիչ Վոն Տե Չժեն:
Հարաւային Կորեայի ամերիկեան զորակազմի հրամանատարական
կազմում նշում են, որ հրադադարը, որ հինգ տասնամեակ շարունակ
օգնում էր պահպանել անկայուն հաւասարակշռութիւնը Կորեական
թերակղզում, մնում է ուժի մէջ: