Հայաստանի էկոնոմիկայի նախարարութիւնը օտարերկրեայ
լրագրողների համար կազմակերպում է ճանաչողական այց Հայաստան
27-05-2009 20:00:00 | Հայաստան | Տնտեսութիւն
ԵՐԵՎԱՆ, 27 ՄԱՅԻՍԻ, ՆՈՅԵԱՆ ՏԱՊԱՆ: Հայաստանի Էկոնոմիկայի
նախարարութեան եւ Զբօսաշրջութեան համաշխարհային կազմակերպութեան
համագործակցութեան շրջանակներում ճանաչողական այցով Հայաստան
կժամանեն օտարերկրեայ լրագրողներ: Ինչպէս «ՆՈՅԵԱՆ ՏԱՊԱՆ»-ի թղթակցին
յայտնեց նախարարութեան Զբօսաշրջութեան եւ տարածքային տնտեսական
զարգացման վարչութեան պետ Մեխակ Ապրեսեանը, լրագրողների այցը
Հայաստան նախատեսւում է մայիսի 29-ին:
Ըստ Մ.Ապրեսեանի, եւրոպական տարբեր երկրներից ժամանած
լրագրողները կայցելեն Հայաստանի պատմամշակութային վայրեր,
թանգարաններ: Նրա խօսքերով, այցի նպատակն է օտարերկրացի
լրագրողներին Հայաստանի զբոսաշրջային հնարաւորութիւններին
ծանօթացնելը, որոնց վերաբերեալ յետագայում նրանք աշխարհի տարբեր
երկրների լրատվամիջոցներով կներկայացնեն իրենց տպավորությունները:
«Սա եւս մէկ առիթ է օտարերկրեայ լրագրողներին ներկայացնելու, թէ
Հայաստանում ինչպիսի պայմաններ են ստեղծուած զբոսաշրջիկների համար,
ինչ ծրագրեր է իրականացւում ոլորտի զարգացման ուղղութեամբ»,- ասաց
Մ.Ապրեսեանը:
Նա նշեց, որ ներկայումս բանակցութիւններ են վարւում այս տարի
նաեւ Հայաստան օտարերկեայ զբոսաշրջային օպերատորների
այցելութիւններ կազմակերպելու վերաբերեալ: