Ապրիլի 1-ից Երեւանում հասարակական տրանսպորտի սակագների
բարձրացում չի սպասւում
25-03-2009 18:05:00 | Հայաստան | Հասարակութիւն
ԵՐԵՎԱՆ, 25 ՄԱՐՏԻ, ՆՈՅԵԱՆ ՏԱՊԱՆ: Երեւանում հասարակական
տրանսպորտի սակագների բարձրացում ապրիլի 1-ից չի սպասւում: Ինչպէս
«ՆՈՅԵԱՆ ՏԱՊԱՆ»-ի թղթակցին յայտնեց Երեւանի քաղաքապետարանի
տրանսպորտի վարչութեան պետ Հենրիկ Նաւասարդեանը, թէեւ սակագների
բարձրացման վերաբերեալ խօսակցութիւններ շրջանառւում են, սակայն
միկրոաւտոբուսների երթուղիները սպասարկող ընկերութիւնները
սակագների վերանայման յայտ դեռեւս չեն ներկայացրել:
Հ.Նաւասարդեանը նշեց, որ հասարակական տրանսպորտի սակագները
պայմանաւորուած չեն միայն գազի սակագնով, եւ հետեւաբար ապրիլի 1-ից
հանրապետութիւնում գազի գների բարձրացումը էական ազդեցութիւն չի
կարող ունենալ տրանսպորտի գների վրայ:
Յիշեցնենք, որ մարտի 18-ին ՀՀ տրասպորտի եւ կապի նախարար
Գուրգէն Սարգսեանը Ազգային Ժողովում յայտարարել էր, որ տրանսպորտի
սակագների բարձրացման անհրաժեշտութիւն կարող է առաջանալ ապրիլի
1-ից նախատեսւող գազի սակագնի բարձրացման արդիւնքում: