«Մայքրոսոֆթ»-ը Հայաստանում սկսում է իր «BizSpark» ծրագիրը
18-03-2009 21:00:00 | Հայաստան | Տնտեսութիւն
ԵՐԵՎԱՆ, 18 ՄԱՐՏԻ, ՆՈՅԵԱՆ ՏԱՊԱՆ: «Մայքրոսոֆթ» ընկերութեան
հայաստանեան մասնաճիւղ «Մայքրոսոֆթ Ար Էյ» (Microsoft RA)
ընկերութիւնը Հայաստանում սկսել է տեղեկատուական տեխնոլոգիաների
ձեռնարկութիւնների զարգացմանն ուղղուած «BizSpark» ծրագիրը, որի
իրականացման գործընկերն է «Ձեռնարկութիւնների ինկուբատոր»
հիմնադրամը: Ինչպէս մարտի 18-ի ասուլիսում նշեց «Մայքրոսոֆթ Ար
Էյ»-ի տնօրէն Գրիգոր Բարսեղեանը, ծրագրի շրջանակներում
համակարգչային ծրագրաւորման ոլորտում գործող սկսնակ
ձեռնարկութիւններին եւ ծրագրաւորողների խմբերին կտրամադրուի արագ
մուտքի (express access) հնարաւորութիւն դէպի «Մայքրոսոֆթ»-ի
տեխնոլոգիաները եւ գործիքները, որոնք հնարաւոր կլինի օգտագործել
համակարգչային արտադրանքի նախագծման, տեստավորման, ցուցադրման
նպատակով: Բացի այդ, հայկական «BizSpark»-ին մասնակից սկսնակ
ընկերութիւնները կունենան «Մայքրոսոֆթ» ցանցի գործընկերներին եւ
միջազգային հանրութեանը ներկայանալու, «Մայքրոսոֆթ Ար Էյ»-ից
տեխնոլոգիաների մշակման եւ ծառայութիւնների մատուցման գծով
խորհրդատվությոն ստանալու հնարաւորութիւն:
Գ.Բարսեղեանի խօսքերով, «Մայքրոսոֆթ»-ը «BizSpark»
նախաձեռնութիւնն սկսել է իրականացնել 2008թ.-ի դեկտեմբերից, եւ
ներկայումս նախաձեռնութեան աշխատանքներում ներգրաւուած են աշխարհի
շուրջ 60 երկրներ:
«Ձեռնարկութիւնների ինկուբատոր» հիմնադրամի տնօրէն Բագրատ
Ենգիբարյանը Հայաստանում «BizSpark»-ի իրականացումը կարեւորեց այն
հանգամանքով, որ ծրագիրը կնպաստի ծրագրաւորման պատուէրների
կատարումից դէպի ամբողջական ծրագրային արտադրանքի ստեղծմանն
անցնելուն: