ԵՐԵՎԱՆ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 16-ի ժամը 13-ին
աւարտուել է «Բջնի» հանքային ջրերի գործարան» ընկերութեան գոյքի եւ
գոյքային իրաւունքների օտարման կրկնակի հարկադիր էլեկտրոնային
աճուրդը:
ԴԱՀԿԱԾ-ի մամլոյ ծառայութեան, աճուրդի 10 օրուայ ընթացքում
կատարուել է գնային առաջարկ: Ըստ այդմ, լոտի վաճառքի գինը կազմել է
4 մլրդ 441,5 մլն դրամ: Աճուրդում յաղթած մասնակիցը, համաձայն
«Հրապարակային սակարկութիւնների մասին» ՀՀ օրէնքի 35.2 յօդուածի
6-րդ կէտի, պարտաւոր է աճուրդի աւարտից յետոյ` 3 բանկային օրուայ
ընթացքում, ծառայութեան դեպոզիտ հաշուին կամ դրամարկղ փոխանցել կամ
մուծել լոտի գնման գինը` հաշվանցելով նախավճարը:
Յիշեցնենք, որ աճուրդին մասնակցելու նախավճարը կազմում էր 222
մլն 68 հազար դրամ: Նոյն օրէնքի 35.1 յօդուածի 8-րդ կէտի համաձայն,
աճուրդի մասնակիների մասին տեղեկությունները հրապարակման ենթակայ
չեն:
Կրկնաճուրդի մեկնարկային գին էր սահմանուել 4 մլրդ 441 մլն 358
հազար դրամը: Աճուրդը մեկնարկել էր փետրուարի 5-ին: Պահանջի գումարի
չափը կազմում է 4 մլրդ 355 մլն 972 հազար դրամ: