«հայռուսգազարդ»-ը 2009թ.-ին ծրագրում է շուրջ 30,6 մլրդ.
դրամ ուղղել «Հրազդանի ՋԷԿ»-ի 5-րդ բլոկի արդիականացմանը
27-01-2009 16:00:00 | Հայաստան | Տնտեսութիւն
ԵՐԵՎԱՆ, 27 ՅՈՒՆՎԱՐԻ, ՆՈՅԵԱՆ ՏԱՊԱՆ: «հայռուսգազարդ» ՓԲԸ-ն
2009թ.-ին ծրագրում է կատարել 78,6 մլրդ դրամի ներդրումներ, այդ
թւում շուրջ 30,6 մլրդ դրամը (մօտ 100 մլն ԱՄՆ դոլար )` «Հրազդանի
ՋԷԿ»-ի հինգերորդ էներգաբլոկի արդիականացման նպատակով:
Ըստ ընկերութեան պաշտօնական կայքէջի, «Հրազդանի ՋԷԿ»-ի
հինգերորդ էներգաբլոկի անաւարտ շինարարութեան 248,8 մլն ԱՄՆ դոլարի
ակտիւների ձեռքբերումից բացի ընկերութիւնը Հայաստանի
կառավարութեան եւ «Գազպրոմ» ԲԲԸ-ի միջեւ 2006թ.-ին կնքուած
համաձայնագրով ստանձնել է նաեւ էներգաբլոկի շինարարութիւնն
աւարտելու եւ այն արդիականացնելու պարտաւորութիւն: Նախագծի
ներդրումային փուլի իրականացման նպատակով նախատեսւում է կատարել
շուրջ 180 մլն դոլարի ներդրումներ, ինչի արդիւնքում 2010թ.-ին
շահագործման կյանձնուի ժամանակակից արդիւնաւէտ գազատուրբիններով
հագեցուած էլեկտրակայան: Ծրագիրը ֆինանսաւորւում է «հայռուսգազարդ»
ՓԲԸ-ի բաժնետոմսերի լրացուցիչ թողարկման միջոցով` ի օգուտ
«Գազպրոմ» ԲԲԸ-ի: