Հայաստանի ֆինանսների նախարարը հանդիպում է ունեցել
Համաշխարհային բանկի պատուիրակութեան հետ
26-01-2009 19:10:00 | Հայաստան | Տնտեսութիւն
ԵՐԵՎԱՆ, 26 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի ֆինանսների
նախարար Տիգրան Դավթեանը յունվարի 26-ին հանդիպում է ունեցել
Համաշխարհային բանկի փոխնախագահ Շիգեո Կացուի ղեկավարած
պատուիրակութեանը, որի կազմում էին ՀԲ-ի տարածաշրջանային տնօրէն Դոննա
Դաուսեթ Կոիրոլոն, ՀԲ-ի երեւանեան գրասենեակի տնօրէն Արիստոմենե
Վարուդակիսը եւ տարածաշրջանային նորանշանակ տնօրէն Ասադ Ալանը:
Ըստ ՀՀ Ֆինանսների նախարարութեան տեղեկատուութեան եւ
հասարակայնութեան հետ կապերի բաժնի հաղորդագրութեան, հանդիպման
ընթացքում քննարկուել են Համաշխարհային բանկի Երկրի գործընկերութեան
ռազմավարութեան շրջանակներում յետագայ չորս տարիներին իրականացուելիք
ծրագրերը եւ տրամադրուելիք միջոցները: Կողմերն անդրադարձել են նաեւ
ՀՀ-ի մակրոտնտեսական իրավիճակին, գլոբալ ֆինանսական եւ տնտեսական
ճգնաժամի խնդիրներին եւ մի շարք այլ հարցերի: