Ըստ դաշնակցական պատգամաւորի, Հայաստանը պէտք է ազատուի երկնիշ
տնտեսական աճ արձանագրելու մոլուցքից
16-01-2009 16:50:00 | Հայաստան | Տնտեսութիւն
ԵՐԵՎԱՆ, 16 ՅՈՒՆՎԱՐԻ, ՆՈՅԵԱՆ ՏԱՊԱՆ: Համաշխարհային տնտեսական
ճգնաժամը ունի ինչպէս բացասական, այնպէս էլ դրական կողմեր: Նման
կարծիք յունվարի 16-ի ասուլիսում յայտնեց ԱԺ «ՀՅԴ» խմբակցութեան
ադամ Արա Նռանեանը: Ըստ նրա, տնտեսական ճգնաժամի դրական կողմերից է
նաւթի գնի անկումը, ինչը յատկապէս լաւ է Հայաստանի համար, քանի որ
հանրապետութիւնը ամբողջութեամբ կախուած է նաւթի եւ բենզինի
ներկրումից: Ա.Նռանեանը նշեց, այդ հանգամանքը Հայաստանի համար
դրական է նաեւ քաղաքական առումով: «Վերջին ամիսներին Ադրբեջանը
բաւականին հանգիստ է իր յայտարարութիւնների մէջ, քանի որ նաւթի
գնի անկումը ֆինանսական լուրջ հարուած է հասցնում այդ երկրին»,-
ասաց դաշնակցական պատգամաւորը:
Բացի այդ, Ա.Նռանյանի գնահատմամբ, տնտեսական ճգնաժամը
հնարաւորութիւն է տալիս Հայաստանին ազատուել երկնիշ տնտեսական աճ
արձանագրելու մոլուցքից: Ըստ նրա, «ՀՅԴ» խմբակցութեան անդամները
միշտ նշել են, որ շատ աւելի կարեւոր է տնտեսական աճի որակը, քան
չափը: «Հայաստանը չպէտք է կանգնած լինի մէկ կամ երկու սյունի վրայ:
Մենք պէտք է զարգացնենք տնտեսական մի քանի ճյուղեր եւ ապահովել
որակական տնտեսական աճ»,- ասաց Ա.Նռանեանը: