Հայաստանում ամենախոշոր ներդրողներն են Ռուսաստանը,
Արգենտինան եւ Լիբանանը
11-12-2008 14:24:00 | Հայաստան | Տնտեսութիւն
ԵՐԵՎԱՆ, 11 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի
յունուար-սեպտեմբերին Հայաստանի տնտեսութեան իրական յատուածում
կատարուված 805 մլն 341,3 հազ. ԱՄՆ դոլար օտարերկեայ ներդրումների
ընդհանուր ծաւալում առաջատարը Ռուսաստանն է` 567 մլն 853,2 հազ.
ԱՄՆ դոլար ծաւալով, ինչը նախորդ տարուայ նոյն ժամանակահատուածի
ցուցանիշը գերազանցում է 3,2 անգամ:
ՀՀ Ազգային վիճակագրական ծառայութեան տուեալներով, արգենտինեան
ներդրումների ծաւալն այս տարուայ առաջին ինն ամիսներին կազմել է 78
մլն 983,3 հազ դոլար` 2007թ.-ի յունուար-սեպտեմբերի համեմատ աճելով
3,1 անգամ, իսկ Լիբանանի ներդրումները 2008թ.-ի
յունուար-սեպտեմբերին կազմել են 28 մլն 995,3 հազ. դոլար եւ նուազել
78,4%-ով:
Հայաստանի տնտեսութեան իրական յատուածում միւս խոշոր
ներդրողներն են Կիպրոսը` 8 մլն 655,1 հազ. դոլար (նուազել է
31,8%-ով), Ֆրանսիան` 12 մլն 928,3 դոլար (նուազումը` 0,7%), ԱՄՆ-ը`
21 մլն 895,8 հազ. դոլար (աճել է 2,6%-ով), Գերմանիան` 23 մլն
707,6 հազ. դոլար (աճել է 16,2%-ով), Լիւքսեմբուրգը` 10 մլն 210
հազ. դոլար (աճը` 4,2 անգամ), Լիխտենշտեյնը` 24 մլն դոլար
(2007թ.-ի առաջին ինն ամիսներին այդ երկրից ներդրումներ չեն եղել),
Աուստրալիան` 6 մլն 649,7 հազ. դոլար (նուազումը` 63,9%), Մեծ
Բրիտանիան` 1 մլն 945,4 հազ. դոլար (նուազումը` 82,8%),
Նիդերլանդները` 2 մլն 621,3 հազ. դոլար (նուազումը` 64,2%),
Բելգիան` 2 մլն 608 հազ. դոլար (նուազումը` 12,7 անգամ):
Ռուսաստանի ներդրումները կապի ոլորտում կազմել են 150 մլն
587,5 հազ. դոլար, մետաղագործական արդյունաբերությունում` 23 մլն
385,3 հազ. դոլար, էլեկտրաէներգիայի, գազի, տաք ջրի եւ գոլորշու
արտադրութեան ու բաշխման ոլորտում` 225 մլն 762,2 հազ. դոլար,
սպառողներին այլ տեսակի ծառայութիւնների մատուցման ոլորտում ` 18
մլն 409 հազ. դոլար, հանգստի կազմակերպման ոլորտում` 6 մլն 161,8
հազ. դոլար, անհատական ծառայութիւնների մատուցման ոլորտում` 3 մլն
637,7 հազ. դոլար, ցամաքային տրանսպորտի ոլորտում` 136 մլն 330
հազ. դոլար:
Հայաստանում Արգենտինայի կատարած ներդրումներից 48 մլն 698,1
հազ. դոլարը կատարուել է օդային տրանսպորտի, 8 մլն 611,5 հազ.
դոլարը` օժանդակ եւ լրացուցիչ տրանսպորտային գործունէութեան, 21
մլն 673,7 հազ. դոլարը` գիւղատնտեսութեան ոլորտներում:
Լիբանանի ներդրումներից 28 մլն 659,6 հազ. դոլարը կատարուել է
կապի ոլորտում: Կիպրոսը 8 մլն 526,8 հազ. դոլարի ներդրում է
կատարել հանքագործական արդյունաբերությունում: Ֆրանսիական
ներդրումներն ամբողջութեամբ ուղղուել են սննդամթերքի, ներառեալ`
խմիչքների, արտադրութեան ոլորտ:
ԱՄՆ-ի ներդրումներից 10 մլն 577 հազ. դոլարն ուղղուել է
հաշւողական տեխնիկայի հետ կապուած գործունէութեան, 3 մլն 789,9 հազ.
դոլարը` հետազօտութիւնների եւ մշակումների, 3 մլն 763,4
հազ.դոլարը` հիւրանոցների եւ ռեստորանների կողմից
ծառայութիւնների մատուցման ոլորտներ, 3 մլն 183,9 հազ. դոլարը`
սպառողներին այլ տեսակի ծառայութիւնների մատուցման ոլորտ:
Գերմանիայի կատարած ներդրումներն ամբողջութեամբ ուղղուել են
Հայաստանի հանքագործական արդիւնաբերութիւն, իսկ աուստրալական
ներդրումները` մետաղի հանքաքարի արդիւնահանման ոլորտ:
Լյուքսեմբուրգի կատարած ներդրումներն ամբողջութեամբ ուղղուել են
սննդամթերքի, ներառեալ` խմիչքների, արտադրութեան ոլորտ, իսկ
Լիխտեյնշտեյնի ներդրումները` մետաղագործական արդիւնաբերութիւն:
2008թ.-ի յունուար-սեպտեմբերին Մեծ Բրիտանիայի ներդումների
908,6 հազ. դոլարը կատարուել է հրատարակչական եւ պոլիգրաֆիական
գործունէութեան, գրանցուած տեղեկատվությամբ կրիչների բազմացման
ոլորտում, 767 հազ. դոլարը` ռետինէ եւ առաձգազանգվածե
արտադրատեսակների արտադրութեան ոլորտում, Նիդերլանդների
ներդրումներն ամբողջութեամբ կատարուել են սպառողներին այլ տեսակի
ծառայութիւնների մատուցման ոլորտում, իսկ Բելգիայի ներդրումները`
կահոյքի եւ այլ խմբաւորումների մէջ չներառուած արտադրատեսակների
արտադրութեան ոլորտում: