Մեղադրանք է ներկայացուել Իլլինոյսի նախկին նահանգապետին
03-04-2009 16:34:00 | ԱՄՆ | Միջազգային
ՎԱՇԻՆԳՏՈՆ, 3 ԱՊՐԻԼԻ, ՆՈՅԵԱՆ ՏԱՊԱՆ: ԱՄՆ-ի Իլլինոյսի նահանգի
նախկին նահանգապետ Ռոդ Բլագոյեւիչին պաշտօնական մեղադրանք է
ներկայացուել դաշնապետական 16 քրէական յօդուածներով, հաղորդում է
CNN-ը:
Նրան առաջադրուած մեղադրանքների թւում են ռեկետ,
դաւադրութիւն, խարդախութիւն, կեղծ վկայութիւն:
Բլագոյեւիչը ձերբակալուել է դեկտեմբերին, երբ յայտնի դարձաւ,
որ նա փորձում էր վաճառել Իլլինոյսից սենատորի այն տեղը, որ
ազատուել էր Բարաք Օբամայի ԱՄՆ-ի նախագահ ընտրվելուց յետոյ:
Բլագոյեւիչն ինքը յայտարարում է իր անմեղութեան մասին: