Մեղադրանք է ներկայացվել Իլլինոյսի նախկին նահանգապետին
03-04-2009 16:34:00 | ԱՄՆ | Միջազգային
ՎԱՇԻՆԳՏՈՆ, 3 ԱՊՐԻԼԻ, ՆՈՅՅԱՆ ՏԱՊԱՆ: ԱՄՆ-ի Իլլինոյսի նահանգի
նախկին նահանգապետ Ռոդ Բլագոյեւիչին պաշտոնական մեղադրանք է
ներկայացվել դաշնապետական 16 քրեական հոդվածներով, հաղորդում է
CNN-ը:
Նրան առաջադրված մեղադրանքների թվում են ռեկետ,
դավադրություն, խարդախություն, կեղծ վկայություն:
Բլագոյեւիչը ձերբակալվել է դեկտեմբերին, երբ հայտնի դարձավ,
որ նա փորձում էր վաճառել Իլլինոյսից սենատորի այն տեղը, որ
ազատվել էր Բարաք Օբամայի ԱՄՆ-ի նախագահ ընտրվելուց հետո:
Բլագոյեւիչն ինքը հայտարարում է իր անմեղության մասին: