Սուդանի իշխանութիւնները երկրից արտաքսում են մարդասիրական
կազմակերպութիւնները
05-03-2009 18:05:00 | | Միջազգային
ԽԱՐՏՈՒՄ, 5 ՄԱՐՏԻ, ՆՈՅԵԱՆ ՏԱՊԱՆ: Սուդանը չեղեալ է յայտարարել
առնուազն վեց արտասահմանեան մարդասիրական կազմակերպութիւնների
աշխատանքի արտօնագրերը: Իշխանութիւնների որոշումը ընդունուել է այն
բանից մի քանի ժամ յետոյ, երբ Միջազգային քրէական դատարանը երկրի
նախագահ Օմար ալ-Բաշիրին ձերբակալելու արտօնութիւն է տուել:
Ինչպէս հաղորդել են մարդասիրական առաքելութեան
ներկայացուցիչները, Սուդանի մարդասիրական օգնութեան պետական
յանձնաժողովը տեղեկացրել է Խարտումում գործող կազմակերպութիւնների
ղեկավարութեանը, որոնց թւում են խոշորագոյն արեւմտյան
գործակալութիւններ, որ երկրում աշխատելու իրենց լիցենզիաները յետ
են վերցւում: Որոշման պատճառները չեն հաղորդուել: