Բարաք Օբամա. Ամերիկայն զինուժի զգալի մասը Իրաքից դուրս
կբերուի այս տարի
02-02-2009 17:32:00 | ԱՄՆ | Միջազգային
ՎԱՇԻՆԳՏՈՆ, 2 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ամերիկեան
զինծառայողների նշանակալի մասը Իրաքից դուրս կբերուի այս տարուայ
ընթացքում, յայտարարել է ԱՄՆ-ի նախագահ Բարաք Օբաման: Ըստ նրա,
իրաքցիներն այսօր պատրաստ են աւելի մեծ պատասխանատւութիւն
ստանձնել երկրի անվտանգութեան ապահովման համար:
«Մենք գտնւում ենք մի իրավիճակում, երբ կարող ենք աւելի շատ
պատասխանատւութիւն դնել իրաքցիների ուսերին, եւ դա լաւ նորութիւն
է ոչ միայն զինծառայողների, այլեւ նրանց ընտանիքների համար»,- NBC
հեռուստաընկերութեանը տուած հարցազրոյցի ժամանակ յայտարարել է
ամերիկեան վարչակազմի ղեկավարը:
ԱՄՆ-ի նախագահը ողջունել է անցած շաբաթ օրը Իրաքում կայացած
նահանգային խորհուրդների ընտրութիւնները: Այն փաստը, որ դրանք
անցել են խաղաղ պայմաններում, նրա կարծիքով, վկայում է երկրում
իրադրութեան բարելաւման մասին: