ՕՊԵԿ-ը ենթադրում է նաւթի արդիւնահանման նոր կրճատում
29-01-2009 15:10:00 | | Միջազգային
ԴԱՎՈՍ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: ՕՊԵԿ-ի գլխաւոր քարտուղար
Աբդալլա ալ-Բադրին չի բացառում նաւթի արդիւնահանման նոր կրճատման
հնարաւորութիւնը կազմակերպութեան անդամ երկրների կողմից` նաւթի
համաշխարհային շուկայի կայունութիւնը վերականգնելու նպատակով: Նա
«չափազանց ցածր» է համարում անգամ նաւթի մէկ բարէլի 50 դոլար
արժէքը:
Ներկայումս գտնուելով Դավոսի տնտեսական համաժողովում` Աբդալլա
ալ-Բադրին Al-Sharq Al-Awsat թերթի հետ զրոյցի ժամանակ ասել է, որ
ՕՊԵԿ-ը, որն արդէն նաւթի հանույթը անցած տարուայ սեպտեմբերից սկսած
կրճատել է օրական 4,2 մլն. բարէլով, այդ թւում 2 մլն. բարէլով
ՕՊԵԿ-ի Ալժիրում կայացած վերջին համաժողովում, «եւս մէկ անգամ եւ
առանց տատանվելու նոր որոշումներ կընդունի համաշխարհային շուկայում
կայունութիւնը վերականգնելու համար»:
«Նաւթի մէկ բարէլի արժէքի մինչեւ 50 դոլար աճի դէպքում անգամ
այդ գինը անչափ ցածր կլինի: Այն չի խթանում (նաւթ արտադրողներին)
մեծացնելու կապիտալ ներդրումները (նաւթի ոլորտում)»,- ասել է
ՕՊԵԿ-ի գլխաւոր քարտուղարը: