Համաշխարհային բանկի նախագահը կանխատեսում է ճգնաժամի
վատթարացում
18-12-2008 18:20:00 | ԱՄՆ | Միջազգային
ՎԱՇԻՆԳՏՈՆ, 18 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Համաշխարհային
տնտեսութեան վիճակը 2009 թուականի առաջին կէսին կը վատթարանայ եւ
իշխանութիւնները ստիպուած կըբախուեն գործազրկութեան աճի խնդրի հետ,
յայտարարել է Համաշխարհային բանկի նախագահ Ռոբերտ Զելլիկը:
Թէ երբ կսկսի վերականգնվել համաշխարհային տնտեսութիւնը, ըստ
նրա, կախուած կլինի այն բանից` կյաջողուի արդեօք կառավարութիւններին
համագործակցութեան հասնել մոնետար եւ ֆիսկալ քաղաքականութիւն
վարելու հարցում եւ ձեռնպահ մնալ հովանաւորչական միջոցառումներից:
«Ես մտավախութիւն ունեմ, որ 2009 թուականի առաջին վեց
ամիսներին ողջ աշխարհով մէկ կդիտվեն խնդիրներ, այդ թւում եւ
Ասիայում»,- նկատել է Զելլիկը: