ՎԱՇԻՆԳՏՈՆ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Համաշխարհային տնտեսության վիճակը 2009 թվականի առաջին կեսին կվատթարանա եւ իշխանությունները ստիպված կբախվեն գործազրկության աճի խնդրի հետ, հայտարարել է Համաշխարհային բանկի նախագահ Ռոբերտ Զելլիկը: Թե երբ կսկսի վերականգնվել համաշխարհային տնտեսությունը, ըստ նրա, կախված կլինի այն բանից` կհաջողվի արդյոք կառավարություններին համագործակցության հասնել մոնետար եւ ֆիսկալ քաղաքականություն վարելու հարցում եւ ձեռնպահ մնալ հովանավորչական միջոցառումներից: «Ես մտավախություն ունեմ, որ 2009 թվականի առաջին վեց ամիսներին ողջ աշխարհով մեկ կդիտվեն խնդիրներ, այդ թվում եւ Ասիայում»,- նկատել է Զելլիկը:

---