Իսրայելն ազատ է արձակում 227 պաղեստինցի բանտարկեալների
15-12-2008 15:18:00 | | Միջազգային
ԹԵԼ ԱՒԻՒ, 15 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Իսրայելը յայտարարել
է, որ ազատ է արձակում ՖԱԹՀ շարժման ներկայացուցիչ պաղեստինցի
բանտարկեալներին` այդպիսով սատարելով Մահմուդ Աբբասի պաղեստինեան
կառավարութեանը:
Իսրայելում փորձեր են ձեռնարկուել արգելափակելու
բանտարկեալների ազատ արձակման գործընթացը Գերագոյն դատարանում,
քանի որ դա կարող է վնաս հասցնել Իսրայելի անվտանգութեանը:
Ինչպէս հաղորդում է «Ասոշիեյթեդ պրեսը», պաղեստինցի
բանտարկեալներն ազատ պէտք է արձակվեին դեռ անցած շաբաթ: Սակայն այդ
գործընթացը տեղափոխուել է երկուշաբթի, քանի որ Մահմուդ Աբբասը
գտնւում էր Մեքքայում եւ ցանկացել էր անձամբ ներկայ լինել
բանտարկեալների ազատ արձակման ժամանակ: