ԱՄԵՆԱՅՆ ՀԱՅՈՑ ԿԱԹՈՂԻԿՈՍՆ ԸՆԴՈՒՆԵԼ Է ՀՀ-ՈՒՄ ԱՄՆ-Ի
ՆՈՐԱՆՇԱՆԱԿ ԴԵՍՊԱՆԻՆ
03-11-2008 22:00:00 | Հայաստան | Հասարակութիւն
ԷՋՄԻԱԾԻՆ, 3 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Գարեգին Բ Ծայրագոյն
Պատրիարք եւ Ամենայն Հայոց Կաթողիկոսը, նոյեմբերի 3-ին ընդունելով
ՀՀ-ում ԱՄՆ արտակարգ եւ լիազօր նորանշանակ դեսպան Մարի
Յովանովիչին, վստահութիւն է յայտնել, որ դեսպանն իր
գործունէութեամբ կնպաստի երկու պետութիւնների յարաբերութիւնների
առաւել զորացմանը: Ի դէմս դեսպանի Նորին Սրբութիւնը նաեւ
շնորհակալութիւն է յայտնել ԱՄՆ իշխանութիւններին` Հայաստանին
ցուցաբերած զորակցության համար:
Իր հերթին Մ.Յովանովիչը շնորհակալութիւն է յայտնել Վեհափառ
Հայրապետին բարեմաղթանքների համար` վստահեցնելով, որ իր կարելին
պիտի անի երկու ժողովուրդների մերձեցման համար:
Ըստ Մայր Աթոռ Սբ. Էջմիածնի Տեղեկատուական համակարգից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, հանդիպման ընթացքում
անդրադարձ է կատարուել Լեռնային Ղարաբաղի հակամարտութեան
կարգաւորման գործընթացին եւ հայ-թուրքական յարաբերութիւններին: