ՄԷԿ ՏԱՐՈՒՄ ՀԱՅԿԱԿԱՆ ԴՐԱՄՆ ԱՄՆ ԴՈԼԱՐԻ ՆԿԱՏՄԱՄԲ 10,5%-ՈՎ
ԱՐԺԵՎՈՐՎԵԼ Է
02-10-2008 19:00:00 | Հայաստան | Տնտեսութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի սեպտեմբերին
2007թ.-ի դեկտեմբերի համեմատ Հայաստանում սպառողական գների 4,2%
հավելաճն ուղեկցուել է ԱՄՆ դոլարի նկատմամբ հայկական դրամի
հաշուարկային փոխարժէքի 0,5% նուազումով:
ՀՀ Ազգային վիճակագրական ծառայութեան տուեալներով, 2008թ.-ի
սեպտեմբերին օգոստոսի համեմատ Հայաստանի սպառողական եւ արժոյթային
շուկաներում արձանագրուել է գների եւ ԱՄՆ դոլարի նկատմամբ հայկական
դրամի հաշուարկային փոխարժէքի, համապատասխանաբար, 0,5% եւ 0,2%
յավելաճ (ԱՄՆ դոլարն արժեվորվել է): Նախորդ տարուայ նոյն
ժամանակահատուածում արձանագրուել է սպառողական գների եւ հաշուարկային
փոխարժէքի, համապատասխանաբար, 0,2% եւ 7,3% նուազում: 2008թ.-ի
սեպտեմբերին ԱՄՆ դոլարի նկատմամբ հայկական դրամի միջին հաշուարկային
փոխարժեքը կազմել է 302,57 դրամ, ինչը 10,5%-ով ցածր է նախորդ
տարուայ սեպտեմբերի համապատասխան ցուցանիշից (338,2 դրամ):