Միսաք Քելեշյանի ջանքերով վերականգնվել են հայութեան
վերապրումի պատմութեան դրուագները
23-02-2010 20:30:00 | | Հասարակութիւն
ԲԵՅՐՈՒԹ, 23 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ:
Փետրուարի 21-ին, ՀԲԸՄ-ի «Դեմիրճեան» կենտրոնի սրահում Միսաք Քելեշյանը
ներկայացրել է իր հաւաքած լուսանկարները եւ տեսաերիզները: Ինչպէս
տեղեկացնում է «Ազդակը», միջոցառումը կազմակերպուել է ՀԲԸՄ
«Անդրանիկ-Անթիլիաս» գործադիր մարմնի նախաձեռնութեամբ: Միսաք
Քելեշյանն իր ներկայացրած նիւթերում անդրադարձել է Յունաստանի,
Կիպրոսի, Լիբանանի, Երուսաղեմի, Եգիպտոսի եւ Գիւմրիի հայ որբերին
«Նիր իստ ռիլիֆ» ցուցաբերած օժանդակությանը, ինչպէս նաեւ յատուկ
կերպով բացայայտել է Այնթուրայի որբանոցում Հալիտե հանըմի
ղեկավարութեամբ հայ որբերի թրքացման քաղաքականութեանը:
Մասնաւորապէս յիշել է Ղազիրի որբանոցում հայ որբերի հիւսած գորգի
Միացեալ Նահանգների Սպիտակ տուն առաքելու պատմութիւնը:
Յատկանշական է, որ գերմանական պատմական արխիւներից յայտնաբերուած եւ
առաջին անգամ ցուցադրուած «Հայկական տառապանքն ու քրիստոնեայ
օժանդակությունը» խորագիր կրող, երեք մասից բաղկացած վաւերագրական
տեսաերիզում ներկայացուած է հայ վերապրողների ու որբերի վիճակը:
Միւս տեսաերիզներում ներկայացուել են Մար Մըխայելի եւ Նոր Գիւղի
(Հալեպ) գաղթականները, հայութեան թշվառ վիճակը:
Քելեշյանը փորձել է վերականգնել պատմութիւնը հին
լուսանկարների կողքին ներկայացնելով նորերը, որոնք հայկական
որբանոցներ կատարած նրա այցելութիւնների արդիւնքն են: Ի նշան
երախտագիտության` կատարած աշխատանքի համար, ՀԲԸՄ-ի յանձնաժողովի
փոխատենապետ Կարօ Ճըղլյանը Քելեշյանին յուշանուէր է յանձնել:
Վերջում իր պատգամն է փոխանցել Լիբանանի Հայոց թեմի առաջնորդ Գեղամ
եպիսկոպոս Խաչերյանը: Բարձր գնահատելով կատարուված աշխատանքը, այն
կարեւոր է համարել որբերի ու վերապրողների համար: Այսօր եւս
հայապահպանութեան գործը պէտք է առաջնահերթ համարել: «Որբերի աղերս»
խորագրով միջոցառումը աւելին է, քան պարզապէս նախաձեռնութիւն,
որովհետեւ այն պարտադրում է մէկ անգամ եւս հաշուի նստելու անցեալի
հետ: