Փետրուարի 15-21-ը կանցկացուեն Մայրենի լեզուի համահայկական
տոնին նուիրուած միջոցառումներ
12-02-2010 19:30:00 | Հայաստան | Հասարակութիւն
ԵՐԵՎԱՆ, 12 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ սփիւռքի
նախարարութիւնը 2010 թուվականը յայտարարել է Մայրենիի տարի: Սոյն
ձեռնարկի կապակցութեամբ նախարարութիւնը ՀՀ պետական շահագրգիռ եւ
Սփիւռքի հայկական կառոյցների հետ իրականացնում է միջոցառումների
«Մեր լեզուն մեր Հայրենիքն է» խորագրով ծրագիր, որն ուղղուած է
Հայաստանում եւ Սփիւռքում մայրենի լեզուի անաղարտութեան
պահպանմանը, մեր լեզվամշակույթի միջոցով ազգային ինքնութեան
ամրապնդմանը, մատաղ սերնդի մէջ լեզուական արժանապատվության
ձեւաւորմանը, հայոց լեզւով ստեղծուած մեր գրական-մշակոյթային
ժառանգութեան ներկայացմանը, մատաղ սերնդի հայեցի դաստիարակութեանը:
ՀՀ Սփիւռքի նախարարաությունից յայտնում են, որ ծրագիրը
կմեկնարկի փետրուարի 15-ին. «Մեծարումի եւ երդումի արարողութիւն»
խորհրդանշական անունը կրող միջոցառման մասնակիցները ժ. 14:00 ՀՀ
սփիւռքի նախարար Հրանուշ Յակոբեանի գլխաւորութեամբ կլինեն
Օշականում եւ ծաղիկներ կդնեն Մեսրոպ Մաշտոցի շիրիմին:
Երեւանի քաղաքապետարանի հետ համատեղ յաջորդ միջոցառումը
կանցկացուի փետրուարի 17-ին, ժ. 14:00-ին. Մատենադարանին կից
տարածքում տեղի կունենայ հանդիսաւոր ցերեկոյթ եւ պատւոյ երթ:
Իսկ փետրուարի 21-ին ժ. 19:00 Ալ. Սպենդիարեանի անուան օպերայի
եւ բալետի ազգային ակադեմիական թատրոնում կկայանայ ՀՀ Նախագահ Սերժ
Սարգսեյանի բարձր հովանու ներքոյ կազմակերպուած «Մայրենի լեզուի օր»
պետական տոնին նուիրուած հանդիսութիւն:
Միջոցառումներին զուգընթաց, փետրուարի 15-ից ՀՀ դպրոցներում
կմեկնարկի նաեւ «Մեր լեզուն մեր Հայրենիքն է» խորագրով
շարադրությունների մրցոյթը: