Ըստ կանխատեսումներցի, 2010թ.-ին Հայաստանում միջին
ջերմաստիճանը 5,7 աստիճանով կբարձրանայ, իսկ տեղումները 27 տոկոսով
նուազեն
05-02-2010 13:46:00 | Հայաստան | Հասարակութիւն
ԵՐԵՎԱՆ, 5 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Երեւանում փետրուարի 5-ին
անցկացուեց ՀՀ Բնապահպանութեան նախարարութեան եւ Հայաստանում ՄԱԿ-ի
Զարգացման ծրագրի կողմից ներկայացուած Հայաստանի կլիմայի
փոփոխութեան ազգային երկրորդ զեկոյցի նախագծի քննարկումը: Ինչպէս
նշեց բնապահպանութեան նախարար Արամ Յարութիւնեյանը, քննարկման
հիմնական թեման վերաբերում է շրջակայ միջավայրի պահպանութեանը եւ
կլիմայի փոփոխությանը:
Ըստ նախարարի, կլիմայի փոփոխութեան խնդիրը գլոբալ խնդիր է, եւ
աշխարհի բոլոր երկրները անհագստացած են կլիմայի փոփոխութեամբ, որն
արդիւնք է նաեւ ջերմոցային գազերի արտանետումների:
Ա.Յարութիւնեյանը նշեց, որ զարգացած երկրները պարտաւորութիւններ
են վերցրել կրճատել դրանք, իսկ զարգացող երկրները Կիոտոյի մաքուր
մեխանիզմներով փորձում են իրենց աւանդը ունենալ ջերմոցային գազերի
կրճատման գործում: Ըստ «Հայպետհիդրոմետ» ծառայութեան փորձագէտների,
եթէ ջերմոցային գազերի կրճատման ուղղութեամբ աշխատանքներ
չիրականացվեն, ապա ամբողջ աշխարհում սպասւում է վտանգաւոր
հիդրոօդերեւութաբանական երեւույթների հաճախակիացում եւ ուժգնացում:
Հայաստանում ջերմաստիճանի եւ տեղումների քանակի
փոփոխութիւնների կանխատեսումների համաձայն, 2010թ.-ին հնարաւոր է
միջին ջերմաստիճանը 5,7 աստիճանով բարձրանայ, իսկ տեղումները 27
տոկոսով նուազեն: