«Մանկավարժութեան մէջ մանրուքներ չկան»,- պնդում է Անանիա
Շիրակացի ճեմարանի տնօրէն Աշոտ Ալիխանեանը
30-01-2010 09:00:00 | Հայաստան | Հասարակութիւն
ԵՐԵՎԱՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Երեւանի
Անանիա Շիրակացու անուան ճեմարանում տեղի ունեցաւ
«Շիրակացու օրեր» փառատոնի հանդիսաւոր բացումը:
Ճեմարանը, որն այս տարի նշելու է հիմնադրման 20-ամեակը,
ստեղծուել է որպէս շնորհալի երեխաների կրթօջախ:
Նշուեց, որ հաւատարիմ մնալով իր գաղափարախօսութեանը, այն է`
դեմոկրատիա, ինտերնացիոնալիզմ, բնապահպանութիւն, հոգու եւ մարմնի
միասնութիւն, ծառայութիւն մարդկութեանը, ճեմարանն ապրում է
բազմաբովանդակ կեանքով եւ ամէն տարի համալրում իր սաների` տարբեր
առարկաներից վաստակած մեդալների թիւը:
Ճեմարանի սաները իսկապէս տպավորիչ արդիւնքներ են ցոյց
տալիս, քանի որ, օրինակ, 2009թ. հանրապետական օլիմպիադայի
եզրափակիչ երրորդ փուլին մասնակցած ճեմարանի 37 սաներից 10-ը շահել
են դիպլոմներ, 3 շրջանաւարտ արժանացել է նախագահի յատուկ մրցանակի:
Ճեմարանականների յաջողութիւնները չեն սահմանափակւում
ձեռքբերումներով միայն Հայաստանում. Մոսկուայում տեղի ունեցած
«Կանաչ մոլորակ» միջազգային էկոլոգիական ստուգատեսին ճեմարանի
աշակերտը ներկայացրել է իր աշխատանքը` «Գիտափորձ տիեզերքում», եւ
արժանացել դափնեկրի կոչման, Եգիպտոսում նկարչութեան միջազգային
մանկապատանեկան մրցոյթի ժամանակ երեք ոսկէ մեդալներն էլ ճեմարանի
սաներն են շահել:
Ճեմարանի տնօրէն Աշոտ Ալիխանեանը նշեց, որ քսաներկու աշակերտ
այժմ սովորում է Թաիլանդի Ռեջենթների դպրոցում, իսկ ճեմարանը
նախկին ԽՍՀՄ տարածքից միակ ուսումնական հաստատութիւնն է, որ
հանդիսանում է աշխարհահռչակ "Roundsquear" միջազգային դպրոցների
համաշխարհային ասոցիացիայի անդամ, որի կազմում ընդգրկուած է
ընդամէնը 95 դպրոց ամբողջ աշխարհից այնպիսի երկրներից, ինչպիսիք են
Անգլիան, Ֆրանսիան, Գերմանիան, ԱՄՆ-ը, Ճապոնիան եւ այլն:
«Շիրակացու օրեր» փառատոնը անց է կացւում 1992թ.-ից: Փառատոնի
ընթացքում աշակերտները եւ աշխատակիցները ներկայացնում են իրենց
զեկույցները տարբեր թեմաներով. զեկույցները այնուհետեւ տեղադրուելու
են կայքում:
Աշակերտները մեծ ոգեւորութեամբ եւ պատսխանատվությամբ են
պատրաստւում իրենց ելոյթներին` կիրառելով ստացած գիտելիքները:
Բացման արարողութեան ընթացքում ԵՊՀ-ի ռեկտորը եւ մի շարք
դասախօսներ պարգեւատրուեցին Անանիա Շիրակացի ճեմարանի անուան
մեդալով:
Ինչպէս նշեցին իրենք` մրցանակակիրները, ճեմարանի կրթութիւնը
ստացած ուսնողները տարբերւում են միւս ուսանողներից: Այստեղ
աշակերտները այլ ուսումնական ծրագրերով են սովորում եւ կրթութեան
նախարարութեան կողմից անց կացված ստուգատեսից յետոյ նամակ է
ուղղարկուել կրթութեան եւ գիտութեան նախարարին` ճեմարանի որոշ
ծրագրեր հանրակրթական դպրոցներում կիրառելու մասին առաջարկով:
Փառատոնը շարունակուելու է մինչեւ մայիս, որի ընթացքում
զեկույցներից բացի կցուցադրուեն նաեւ աշակերտների թատերական
ներկայացումները, վերջում կյանձնուեն պարգեւները եւ տեղի կունենայ
փառատոնի հնադիսավոր փակումը: