Հայաստան այցելած զբոսաշրջիկների թիւը այս տարի կկազմի մօտ
600 հազար
04-12-2008 18:30:00 | Հայաստան | Հասարակութիւն
ԵՐԵՎԱՆ, 4 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի առաջին 9
ամիսներին Հայաստան են այցելել 402 հազար զբոսաշրջիկներ, կամ
նախորդ տարուայ նոյն ժամանակահատուածի համեմատ 10,1%-ով աւելի: Իսկ
2007թ.-ին նախորդ տարուայ համեմատ աճը կազմել է 33,5%: Այս մասին
դեկտեմբերի 4-ի ասուլիսում յայտնեց ՀՀ Էկոնոմիկայի նախարարութեան
Զբօսաշրջութեան վարչութեան պետ Մեխակ Ապրեսեանը: Ըստ նրա, վերջին
տարիներին զբոսաշրջային այցելութիւնների միջին տարեկան աճը
կազմում է 20-25%, իսկ ներքին զբոսաշրջությանը` մօտ 20%: Նրա
կանխատեսմամբ, մինչեւ տարեվերջ Հայաստան կայցելեն մօտ 600 հազար
զբոսաշրջիկներ կամ նախորդ տարուայ համեմատ 20%-ով աւելի:
Մ.Ապրեսեանի դիտարկմամբ, զբօսաշրջութեան աճը պայմանաւորուած է
ոլորտում տարւվող պետական քաղաքականութեամբ: Ըստ նրա, Հայաստան
այցելած զբոսաշրջիկների թիւը այս տարի աւելի մեծ կլինէր, եթէ
չլինէին մարտի 1-ի դէպքերը եւ Վրաստանում տեղի ունեցած
պատերազմական գործողութիւնները:
Մ.Ապրեսեանը նշեց, որ աճի տեմպերի նուազում է նկատւում
համաշխարհային զբոսաշրջային այցելություններում: Զբօսաշրջութեան
համաշխարհային կազմակերպութեան տուեալներով, վերջին տարիներին
ամբողջ աշխարհում զբոսաշրջային այցելութիւնների միջին տարեկան աճը
կազմել է 4-4,5%, 2007թ.-ին այն յատել էր 6%-ի սահմանագիծը: Սակայն
2008թ.-ի յունուար-հոկտեմբերին նախորդ տարուայ նոյն ժամանակահատուածի
համեմատ աճը կազմել է 3,7%, իսկ 2009թ.-ին կանխատեսւում է մինչեւ
2%: Մ.Ապրեսեանի խօսքերով, դրա պատճառներից է համաշխարհային
տնտեսական ճգնաժամը:
Նշուեց նաեւ, որ մէկ զբոսաշրջիկը իր այցելութեան ընթացքում
Հայաստանում ծախսում է 700-800 դոլար: Ըստ այդմ, այս տարուայ առաջին
9 ամիսներին զբոսաշրջությունից ստացուած եկամուտը կազմել է մօտ 400
մլն դոլար: 2006թ.-ին այդ ցուցանիշը կազմել է 299 մլն դոլար, իսկ
2007թ.-ին` 400 մլն դոլար: