Հայաստանի պետական ֆիլհարմոնիկ նուագախումբը վերադարձել է
Ճապոնիայում կայացած հիւրախաղերից
02-12-2008 17:15:00 | Հայաստան | Մշակոյթ
ԵՐԵՎԱՆ, 2 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի պետական
ֆիլհարմոնիկ նուագախումբը (ՀՊՖՆ) նոյեմբերի 4-24-ին հիւրախաղերով
գտնւում էր Ճապոնիայում: Ճապոնական «Koransha concert and planning
agency» կազմակերպութեան հրաւէրով նուագախումբը ելոյթներ է ունեցել
Տոկիոյի, Տոկիգիի, Նիգատայի, Տոյամայի, Օսակայի, Համամացուի եւ
Շիզուոկայի հեղինակաւոր համերգասրահներում: Նուագախմբի հետ հանդէս
են եկել նաեւ կանադահայ ջութակահար Քեթրին Մանուկեանը եւ ճապոնացի
դաշնակահար Հիրոյո Իմագավան:
Ինչպէս դեկտեմբերի 2-ի ասուլիսում յայտնեց նուագախմբի
գեղարուեստական ղեկավար եւ գլխաւոր դիրիժոր Էդուարդ Թոփչյանը,
հիւրախաղերի ընթացքում նուագախումբը ունեցել է աւելի քան 15
համերգ: Ծրագրում ընդգրկուած են եղել Խաչատրեանի, Չայկովսկու,
Ռախմանինովի, Դվորժակի, Բորոդինի եւ Ռիմսկի-Կորսակովի հանրայայտ
ստեղծագործութիւններ: Նրա խօսքերով, ճապոնիան այն երկիրն է, որը
դասական երաժշտութեան ամենամեծ լսարանն ունի. նոյնիսկ մետրոյում,
սուպերմարկետներում ճապոնացիները լսում են դասական երաժշտություն:
Նրա խօսքերով, դասական երաժշտութեան բնագաւառում Ճապոնիան
Եվրոպայից առաջ է 50, իսկ Հայաստանից` 250 տարով:
«Դասական երաժշտութիւնը պրոպագանդվում է ամէնուր: Ինձ թւում
է, թէ մենք վերադարձել ենք հեքիաթային մի աշխարհից: Ես այնտեղից
վերադարձել եմ այլ մարդ դարձած, իսկ հիմա այնպիսի վիճակում եմ
գտնւում, որ չգիտեմ, թէ Հայաստանում այուհետ ում համար պէտք է
նվագենք»,- նշեց Է.Թոփչյանը` յաւելելով, որ ՀՊՖՆ-ը որքան էլ փորձի
պրոպագանդել դասական երաժշտություն, այդուհանդերձ ժողովրդի քիչ
տոկոսին է դա հետաքրքրում: «Հիմա մենք ունենք բարձր մակարդակի
ֆիլհարմոնիկ նուագախումբ, բայց ցավոք այդ նուագախումբը Հայաստանին
պէտք չէ, քանի որ պետական ռազմավարութիւն չկայ, իսկ
հեռուսատեսությունը, երաժշտական դպրոցները, կոնսերուատորիան
քարօզում են միմիայն անճաշակություն»,- նկատեց Է.Թոփչյանը: