ՀԱՆՐԱՊԵՏՈՒԹԻՒՆՈՒՄ ՍԵՂՄՈՒԱԾ ԳԱԶԻ ԳԻՆԸ ՆՈՒԱԶԵԼ Է,- ՊՆԴՈՒՄ Է ՀՀ
ՏՆՏՄՐՑԱԿՑՈՒԹՅԱՆ ՊԱՇՏՊԱՆՈՒԹԵԱՆ ՊԵՏՅԱՆՁՆԱԺՈՂՈՎԻ ՆԱԽԱԳԱՀԸ
15-05-2008 20:30:00 | Հայաստան | Տնտեսութիւն
ԵՐԵՎԱՆ, 15 ՄԱՅԻՍԻ, ՆՈՅԵԱՆ ՏԱՊԱՆ: Արդէն երրորդ օրն է, ինչ
Հայաստանում գործող աւտոգազալիցքավորման ճնշակային 214 կայաններում
(ԱԳԼՃԿ) մօտ 40 դրամով իջեցուել է սեղմուած գազի գինը: Ինչպէս մայիսի
15-ին յայտնեց ՀՀ տնտեսական մրցակցութեան պաշտպանութեան պետական
յանձնաժողովի նախագահ Աշոտ Շահնազարեանը, ներկայումս մայրաքաղաքի
կայաններում սեղմուած գազը վաճառւում է 1 խոր. մետրը 160 դրամով,
Գյուրիում` 150, Հրազդանում` 130 դրամով:
Յիշեցնենք, որ մայիսի 1-ից բնական գազի սակագների
սուբսիդաւորման արտօնութեան վերացման պատճառով գազի գինը
բարձրացաւ, ինչն, իր հերթին, բերեց որոշ տաքսի ծառայութիւնների
գների բարձրացմանը: Ըստ Ա.Շահնազարեանի, սակայն, յանձնաժողովի
հաշուարկներով սեղմուած գազի գինը պէտք է բարձրանար 30 դրամով եւ
դառնար 160 դրամ: Մինչդեռ, վերջին օրերին որոշ լցակայաններում այն
բարձրացուել է մինչեւ 200 դրամ: Նա տեղեկացրեց, որ յանձնաժողովը
դեռեւս շարունակում է սեղմուած գազի շուկայի ուսումնասիրութիւնը,
եւ այդ շուկայում գերիշխող դիրք ունեցող ընկերութիւն չկայ:
Ա.Շահնազարեանը յայտնեց նաեւ, որ հանձանաժողովը ներկայումս
ուսումնասիրում է սննդամթերքի մի քանի ապրանքատեսակների շուկաներ`
պարզելու համար, թէ որքանով է այդ ապրանքատեսակների մաքսային
արժէքի նուազումն ազդել դրանց գների վրայ: