ԲՐԻՏԱՆԱԿԱՆ ՇՈՒԿԱՅՈՒՄ ՍԿՍՈՒԵԼ Է ՀԱՅԱՍՏԱՆ-ՎՐԱՍՏԱՆ-ԹՈՒՐՔԻԱ
ՏԱՐԱԾԱՇՐՋԱՆԱՅԻՆ ՏՈՒՐՓԱԹԵԹՆԵՐԻ ԻՐԱՑՈՒՄԸ
29-04-2008 20:00:00 | Հայաստան | Տնտեսութիւն
ԵՐԵՎԱՆ, 29 ԱՊՐԻԼԻ, ՆՈՅԵԱՆ ՏԱՊԱՆ: Բրիտանական
տուրօպերատորներից մէկն արդէն սկսել է Հայաստան-Վրաստան-Թուրքիա
երթուղով տուրփաթեթների իրացումը: Այս մասին «ՆՏ»-ի թղթակցին
յայտնեց ԱՄՆ Միջազգային զարգացման գործակալութեան կողմից
իրականացyող «Մրցունակ մասնաւոր հատուած Հայաստանում» ծրագրի
մրցունակութեան աւագ փորձագէտ Ալան Սաֆերին:
Նրա խօսքերով, բրիտանացի զբոսաշրջիկները հետաքրքրուած են
Հայաստան-Վրաստան տարածաշրջանային տուրփաթեթներով Հայաստան
այցելութիւններով, ինչը պայմանաւորուած է երկրների միջեւ
աւիաչուերթների կարճ` ընդամէնը 5 ժամ, տեւողությամբ: Նրա խօսքերով,
Հայաստանի ներառմամբ տարածրջանային տուրփաթեթեների ձեռքբերմամբ
կարող են հետաքրքրուած լինել նաեւ ճապոնացի զբոսաշրջիկները:
Նշուեց, որ բացի Վրաստանից, տարածաշրջանի այլ երկրների եւ
Հայաստանի ներառմամբ տարածաշրջանային տուրփաթեթների միջազգային
շուկայում իրացումը կապուած է քաղաքական խնդիրների լուծման հետ:
Օրինակ, ամերիկեան շուկայում խնդրահարույց է Իրան-Հայաստան
զուգորդմամբ տուրփաթեթների իրացումը:
Ծրագրի զբոսաշրջային մարքեթինգի եւ հաղորդակցման խորհրդատու
Նադյա Պասկուալի գնահատմամբ, տուրփաթեթներով Իտալիայից Հայաստան
այցելող զբոսաշրջիկների 20-30%-ը երկիր է ուղեւորւում
Հայաստան-Վրաստան տարածաշրջանային տուրփաթեթներով: Նրանց
տուրփաթեթների տեւողությունը 13-14 օր է, իսկ միայն Հայաստան
այցելողներինը` 8-9 օր: Նրա խօսքերով, Հայաստանի եւ Վրաստանի
տուրօպերատորները համագործակցում են մի քանի տարածաշրջանային
տուրփաթեթների կազմակերպման ուղղութեամբ, եւ նման համակցուած
ուղեւորութիւնների ժամանակ զբոսավարների հետ կապուած խնդիրներ չեն
առաջանում: Նշուեց, որ միջազգային շուկաներում տարածաշրջանային
տուրփաթեների իրացումը խթանելու նպատակով, մասնաւորապէս, Հայաստանի
եւ Վրաստանի տուրօպերատոները պէտք է համատեղ ջանքեր գործադրեն
մարքեթինգային աշխատանքները ակտիւացնելու ուղղութեամբ: