ՀՀ ԱԺ-Ն ԱՊՐԻԼԻ 10-ԻՆ ՎԱՒԵՐԱՑՐԵՑ 2 ՄԻՋԱԶԳԱՅԻՆ ՊԱՅՄԱՆԱԳՐԵՐ
10-04-2008 16:05:00 | Հայաստան | Տնտեսութիւն
ԵՐԵՎԱՆ, 10 ԱՊՐԻԼԻ, ՆՈՅԵԱՆ ՏԱՊԱՆ: ՀՀ Ազգային Ժողովը ապրիլի
10-ի առաւօտեան նիստում վաւերացրեց ապրիլի 8-ին քննարկված 2
միջազգային պայմանագրեր.
- 1973թ.-ի մարտի 3-ին Վաշինգտոնում ստորագրուած եւ 1979թ.-ի
յունիսի 22-ին Բոննում լրամշակուած «Անհետացման եզրին գտնուող վայրի
կենդանական ու բուսական աշխարհի տեսակների միջազգային առեւտրի
մասին» կոնվենցիան,
- Հայաստանի Հանրապետութեան եւ Ասիական զարգացման բանկի միջեւ
2007թ.-ի դեկտեմբերի 18-ին ստորագրուած «Ջրամատակարարման եւ
ջրահեռացման վեկտորի ծրագիր» վարկային համաձայնագիրը:
Վերջինով ծրագրի իրականացման համար ՀՀ-ին տրամադրւում է 45
մլն ԱՄՆ դոլարին համարժէք վարկ: Վարկի մարումն իրականացուելու է
2016-2039թթ.-ին` տարեկան 1 տոկոս տոկոսադրույքով վարկի մարման
արտօնեալ ժամանակահատուածում, իսկ այնուհետեւ` տարեկան 1,5 տոկոս,
որը ենթակայ է հաշուարկման վարկային հաշվից ստացուած վարկի եւ տարբեր
ժամանակահատվածներում չմարուած գումարների նկատմամբ: