ՏԱՄՊԵՐԷ, 7 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 6-ին Ֆինլանդիայի
Տամպերէ քաղաքում աւարտուեց հունահռոմեական ըմբշամարտի Եւրոպայի
առաջնութիւնը: Հայաստանի ներկայացուցիչներից Ռոման Ամոյեանը (55
կգ, Երեւան) գրաւեց 2-րդ տեղը եւ արժանացավ արծաթէ մեդալի, իսկ
ծանր քաշային Եուրի Պատրիկեեւը (Երեւան) յաղթեց բոլոր
մրցակիցներին, գրաւեց 1-ին տեղը եւ նուաճեց ոսկէ մեդալ:
Յու.Պատրիկեեւը, ինչպէս նաեւ Արման Ադիկյանը (66 կգ, Էջմիածին)
դեռեւս 2007թ.-ին Բաքւում անցկացուած աշխարհի առաջնութիւնում ձեռք
էին բերել «Պեկին 2008»-ի օլիմպիական ուղեգիր: Փաստորեն Տամպերեի
աառջնությունում մրցագորգ ելած Հայաստանի ազատ եւ հունահռոմեական
ոճի միւս 14 ներկայացուցիչները անմասն մնացին խաղարկուած
օլիմպիական ուղեգրերից:
Նշենք, որ յունահռոմէականների առաջնութիւնում Եւրոպայի
չեմպիոն դարձաւ նաեւ Ուկրաինան ներկայացրած գիւմրեցի Արմէն
Վարդանեանը (66 կգ): Մէկ այլ գիւմրեցի` Շուեդիան ներկայացրած
Աթէնքի օլիմպիական խաղերի փոխչեմպիոն Արա Աբրահամեանը (74 կգ),
արժանացավ բրոնզէ մեդալի, իսկ Բուլղարիան ներկայացրած օլիմպիական
խաղերի կրկնակի չեմպիոն մարտունեցի Արմէն Նազարեանը (60 կգ) դարձաւ
արծաթէ մեդալակիր: