ԱՌԱՋԻՆ ԱՆԳԱՄ ՀՀ ՊԵՏԲԻՒՋԷԻՑ ԿՏՐԱՄԱԴՐՈՒԵՆ ՄԻՋՈՑՆԵՐ ՈՌՈԳՄԱՆ
ՀԱՄԱԿԱՐԳԵՐԻ ՀԻՄՆԱՆՈՐՈԳՄԱՆ ՀԱՄԱՐ
04-04-2008 18:00:00 | Հայաստան | Տնտեսութիւն
ԵՐԵՎԱՆ, 4 ԱՊՐԻԼԻ, ՆՈՅԵԱՆ ՏԱՊԱՆ: ՀՀ կառավարութեան ապրիլի 4-ի
նիստում հաստատուել է ոռոգման համակարգերի հիմնանորոգման 2008թ.-ի
ծրագիրը: Ինչպէս նիստից յետոյ լրագրողներին յայտնեց ՀՀ
Ջրտնտպետկոմիտեի նախագահ Անդրանիկ Անդրէասեանը, ծրագրով
նախատեսւում է համակարգի հիմնանորոգման նպատակով պետբիւջէից
յատկացնել 1 մլրդ 407 մլն դրամ (մօտ 4,5 մլն ԱՄՆ դոլար): Ըստ նրա,
առաջին անգամն է, որ պետբիւջէից գումարներ են ուղղւում ոչ միայն
համակարգի ընթացիկ ծախսերի ճեղքվածները փակելու, այլեւ կապիտալ
ծախսերի բեռը թեթեւանցնելու համար:
Ա.Անդրէասեանը նշեց, որ ծրագիրը ունի երկու ենթաբաղադրիչ.
հրատապ աշխատանքեր, որոնք պէտք է իրականացուեն մինչեւ ոռոգման
սեզոնի սկսուելը, եւ հիմնական աշխատանքներ, այդ թւում
պոմպակայանների, մայր ջրատարների հիմնանորոգում:
Նշուեց նաեւ, որ ոռոգման համակարգում իրականացուելիք
«Հազարամյակի մարտահարվերներ»-ի ծրագիրը կսկսի գործել յաջորդ
տարուանից: Ներկայումս կատարւում են ուսումնասիրություններ եւ
նախագծային հետազոտական աշխատանքներ: