«ԱՄԲԵՐ» ՄԻՋԱԶԳԱՅԻՆ ՄՐՑԱՇԱՐԻ ՅԱՂԹՈՂ ԼԵՒՈՆ ԱՐՈՆԵԱՆԸ ՎԱՍՏԱԿԵՑ
14,5 ՄԻԱՒՈՐ
28-03-2008 18:50:00 | | Սպորտ
ՆԻՍ, 28 ՄԱՐՏԻ, ՆՈՅԵԱՆ ՏԱՊԱՆ: Ֆրանսիայի Նիս քաղաքում
աւարտուեց «Ամբեր» միջազգային մրցաշարը: Լեւոն Արոնեանը, որը
նախավերջին փուլում 13,5 միաւորով արդէն անհասանելի էր դարձել իրեն
հետապնդողներին` ժամանակից շուտ նվաճելով յաղթողի կոչումը, վերջին`
11-րդ,փուլում ոչ-ոքի խաղաց («կոյր» եւ արագ շախմատում) Պետեր
Լեկոյի (Հունգարիա) հետ եւ մրցաշարը եզրափակեց 14,5 միաւորով:
12-ական միաւորով 2-5-րդ տեղը զբաղեցրին Վեսելին Թոփալովը
(Բուլղարիա), Վլադիմիր Կրամնիկը (Ռուսաստան), Պետեր Լեկոն
(Հունգարիա) եւ Մագնուս Կառլսենը (Նորվեգիա):
Կոյր շախմատում 6,5 միաւորով 1-4-րդ տեղը բաժանեցին
Լ.Արոնեանը, Վ.Թոփալովը, Վ.Կրամնիկը եւ Ալեքսանդր Մորոզեւիչը
(Ռուսաստան), իսկ արագում` 8 միաւորով առաջինը ճանաչուեց
Լ.Արոնեանը: Նրան յաջորդեցին Վասիլի Իվանչուկը (Ուկրաինա)` 6,5
միաւորով, Բորիս Գելֆանդը (Իսրայել), Պետեր Լեկոն եւ Մագնուս
Կառլսենը` 6-ական միաւորով: