1992 Թ.-ԻՑ ՀԱՅԱՍՏԱՆԻՑ ԱՐՏԱԳԱՂԹԵԼ Է 900 ՀԱԶԱՐԻՑ ՄԻՆՉԵՒ 1 ՄԼՆ
ՀՀ ՔԱՂԱՔԱՑԻ
20-06-2008 20:40:00 | Հայաստան | Հասարակութիւն
ԵՐԵՎԱՆ, 20 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ Տարածքային կառավարման
նախարարութեան Միգրացիոն գործակալութիւնը ստեղծել է ինտերնետային
նոր համակարգ` www.sma.am/migrant հասցէով, որի նպատակն է
արտերկրում ապրող ՀՀ քաղաքացիներին տեղեկատուութիւն տրամադրել
իրենց յուզող հարցերի վերաբերեալ: Ինչպէս յունիսի 20-ի ասուլիսում
նշեց գործակալութեան պետ Գագիկ Եգանեանը, համակարգին կարող են
դիմել ՀՀ քաղաքացիության, փաստաթղթերի կորստի, վերադարձի, ՀՀ-ում
պարտադիր զինուորական ծառայութեան եւ այլ հարցերով: Բացի այդ, ըստ
նրա, համակարգի յատուկ ցանցային ռեժիմը հնարաւորութիւն է տալիս
հարցազրովյց անցկացնել քաղաքացու եւ հանրապետութեան համապատասխան
պետական մարմնի իրաւասու աշխատակցի միջեւ:
Գ.Եգանեանը նշեց, որ 1992թ.-ից Հայաստանից արտագաղթել է 900
հազարից մինչեւ 1 մլն ՀՀ քաղաքացի: Նրանցից ԱՊՀ երկրներ են մեկնել
մօտ 70%-ը, այդ թւում մօտ 65%-ը` ՌԴ: