ՉԻՆԱՍՏԱՆՈՒՄ ԵՐԿՐԱՇԱՐԺԻ ԶՈՀԵՐԻ ԹԻՒԸ ԿԱՐՈՂ Է ԳԵՐԱԶԱՆՑԵԼ 50
ՀԱԶԱՐԸ
15-05-2008 20:05:00 | | Միջազգային
ՊԵԿԻՆ, 15 ՄԱՅԻՍԻ, ՆՈՅԵԱՆ ՏԱՊԱՆ: Չինաստանում աւերիչ
երկրաշարժի զոհերի թիւը կարող է գերազանցել 50 հազարը, հաղորդում է
«Սինխուա» գործակալութիւնը:
Աւելի վաղ Չինաստանի իշխանութիւնները հաղորդել էին, որ
Չինաստանի հարաւ-արեւմտյան Սիչուան նահանգում տեղի ունեցած
երկրաշարժի զոհերի թիւը անցել է 19,5 հազարը:
Պաշտօնական տուեալների համաձայն, տասնեակ հազարաւոր մարդիկ են
մնում փլատակներում: Սիչուան նահանգի հիւանդանոցներում են գտնւում
աւելի քան 64 հազար մարդ, նրանցից 13 հազարը` ծանր վիճակում:
Ներկայումս աղէտի շրջանում ծաւալուել են լայնամասշտաբ
փրկարարական աշխատանքներ, որոնց մասնակցում են 130 հազարից աւելի
զինծառայողներ: