ՄԻԺԻ-Ն ԻՐ ՄՏԱՀՈԳՈՒԹԻՒՆՆ Է ՅԱՅՏՆՈՒՄ ԱՀՌԾ-Ի ՀԱՇՈՒԵՏՒՈՒԹԵԱՆ ԵՎ
ՎԵՐԱՆԱՅՄԱՆ ՈՒՇԱՑՄԱՆ ԱՌՆՉՈՒԹԵԱՄԲ
14-11-2007 17:05:00 | Հայաստան | Հասարակութիւն
ԵՐԵՎԱՆ, 14 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Մարդու իրաւունքների եւ
ժողովդրավարության ինստիտուտը (ՄԻԺԻ) ՀՀ Աղքատութեան յաղթահարման
ռազմավարական ծրագրի (ԱՀՌԾ) 2005-2006թ.-ի հաշուետւութեան եւ
վերանայման ուշացման վերաբերեալ իր մտահոգութիւնն է յայտնել ՀՀ
վարչապետին ուղղուած բաց նամակում: ՄԻԺԻ-Ն յիշեցնում է, որ ԱՀՌԾ-ի
վերանայման գործընթացն նախատեսւում էր ամփոփել 2006թ.-ի
սեպտեմբերին:
Բաց նամակում նշուած է. «Առաւել մտահոգիչ է այն հանգմանքը, որ
վերոնշեալ գործընթացների ձգձգման փաստի եւ պատճառների մասին
հանրութիւնը առ այսօր պատշաճ կերպով չի տեղակացվել: Կարծում ենք,
որ այս դէպքում խախտուել են ծրագրի իրականացման թափանցիկության եւ
հաշվետվողականության սկզբունքները»:
Նամակի վերջում ԱՀՌԾ-ի համակարգող խորհրդին կոչ է արւում
յարգել եւ իրականացնել ծրագրում ամրագրուած սկզբունքներն ու
համաձայնութիւնները, քանզի ԱՀՌԾ-ի իրականացումը վերաբերում է
Հայաստանի բնակչութեան մեծամասնութեանը: