ԱՄՆ-Ն ՉԻ ԿԱՄԵՆՈՒՄ ԼԱՐՈՒԱԾՈՒԹԵԱՆ ՈՒԺԵՂԱՑՈՒՄ ՌՈՒՍԱՍՏԱՆԻ ՀԵՏ
ՅԱՐԱԲԵՐՈՒԹԻՒՆՆԵՐՈՒՄ
08-11-2007 17:26:00 | ԱՄՆ | Միջազգային
ՎԱՇԻՆԳՏՈՆ, 8 ՆՈՅԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ն չի ցանկանում
լարվածությունն ուժեղացնել Ռուսաստանի հետ յարաբերութիւններում:
Այս մասին գերմանական հեռուստատեսութեանը տուած հարցազրոյցում
յայտարարել է ԱՄՆ-ի նախագահ Ջորջ Բուշը:
«Ես ուզում եմ գերմանական հասարակութեանը հաւաստիացնել, որ ես
չեմ ցանկանում լարուածութեան ուժեղացում Ռուսաստանի հետ»,- ասել է
ամերիկեան վարչակազմի ղեկավարը:
Դրա կապակցութեամբ նա նորից է կրկնել, որ հակահրթիռային
պաշտպանութեան ամերիկեան համակարգը, որի տարրեր Վաշինգտոնը
ծրագրում է տեղակայել Եվրոպայում, ուղղուած չէ Ռուսաստանի դէմ: Այն
խօսակցութիւնները, որ ամերիկեան ՀՀՊ-ն կարող է ինչ-որ ձեւով
սպառնալ Ռուսաստանի անվտանգութեանը, Բուշն անուանել է «անհեթեթ»:
Բուշը խօստովանել է, որ ԱՄՆ-ի եւ Ռուսաստանի միջեւ պահպանւում
են տարաձայնութիւնները, այդ թւում Իրանի դէմ պատժամիջոցների
հարցում: «Կան հարցեր, որտեղ մենք տարակարծիք ենք»,- ասել է նա:
Այդուամենայնիւ, ԱՄՆ-ի նախագահը այն համոզմունքն է յայտնել, որ
իրանական միջուկային խնդիրը կարելի է լուծել դիւանագիտական
միջոցներով: