ԳՐԻԶԼՈՎԸ ՀԱՄՈԶՈՒԱԾ Է, ՈՐ ԴՈՒՄԱՆ ԿՊԱՇՏՊԱՆԻ ՌՈՒՍԱՍՏԱՆԻ ԵԼՔԸ
ԵՒՐՈՊԱՅԻ ՍՈՎՈՐԱԿԱՆ ԶԻՆՈՒԱԾ ՈՒԺԵՐԻ ՄԱՍԻՆ ՊԱՅՄԱՆԱԳՐԻՑ
06-11-2007 16:27:00 | Ռուսաստան | Միջազգային
ՄՈՍԿՈՒԱ, 6 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Պետդումայի նախագահ Բորիս
Գրիզլովը համոզուած է, որ Պետդուման կպաշտպանի Եւրոպայի սովորական
զինուած ուժերի մասին պայմանագրին Ռուսաստանի մասնակցութիւնը
կասեցնելու մասին նախագահական օրինագիծը, հաղորդում է ԻՏԱՌ-ՏԱՍՍ-ը:
«Խմբակցությունում («Եդինայա Ռոսիա») այդ հարցը քննարկել ենք,
մենք կպաշտպանենք այդ որոշումը»,- ասել է նա:
Աւելի վաղ օրինագծին հաւանութիւն է տուել ստորին պալատի
համապատասխան` միջազգային գործերի կոմիտէն:
Նոյեմբերի 7-ին Պետդուման պէտք է քննարկի Եւրոպայի սովորական
զինուած ուժերի մասին պայմանագրին Ռուսաստանի մասնակցութիւնը
կասեցնելու վերաբերեալ նախագահական օրինագիծը: