ՄՈՍԿՎԱ, 6 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Պետդումայի նախագահ Բորիս Գրիզլովը համոզված է, որ Պետդուման կպաշտպանի Եվրոպայի սովորական զինված ուժերի մասին պայմանագրին Ռուսաստանի մասնակցությունը կասեցնելու մասին նախագահական օրինագիծը, հաղորդում է ԻՏԱՌ-ՏԱՍՍ-ը: «Խմբակցությունում («Եդինայա Ռոսիա») այդ հարցը քննարկել ենք, մենք կպաշտպանենք այդ որոշումը»,- ասել է նա: Ավելի վաղ օրինագծին հավանություն է տվել ստորին պալատի համապատասխան` միջազգային գործերի կոմիտեն: Նոյեմբերի 7-ին Պետդուման պետք է քննարկի Եվրոպայի սովորական զինված ուժերի մասին պայմանագրին Ռուսաստանի մասնակցությունը կասեցնելու վերաբերյալ նախագահական օրինագիծը:

---