ՄՈՍԿՈՒԱ, 2 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Այսօր Մոսկուայում 102
տարեկան հասակում վախճանուել է լեգենդար բալետմայստեր, ժողովրդական
պարի անսամբլի հիմնադիր եւ անփոփոխ գեղարուեստական ղեկավար Իգոր
Մոիսեեւը, հաղորդում է ԻՏԱՌ-ՏԱՍՍ-ը:
ԽՍՀՄ ժողովրդական արտիստ, Սոցիալիստական աշխատանքի հերոս,
Լենինեան եւ Պետական մրցանակների դափնեկիր Իգոր Մոիսեեւին
պարգեւների քանակով քչերը կարող են հաւասարուել: Իսկ իր տաղանդով`
նա պարզապէս եզակի է: Նա ապրեց երկարատեւ, իրադարձություններով
հարուստ կեանք եւ փայլուն ստեղծագործական ուղի անցաւ:
Ռուսաստանի նախագահ Վլադիմիր Պուտինը ցավակցություն է յայտնել
Իգոր Մոսիեեւի հարազատներին եւ մերձաւորներին:
Իգոր Մոիսեեւի հետ հրաժեշտը տեղի կունենայ նոյեմբերի 6-ին
Չայկովսկու անուան համերգասրահում: Հոգեհանգիստը կկայանայ նոյեմբերի
7-ին, իսկ հուղարկավորությունը` նոյն օրը Նովոդեւիչիեի
գերեզմանատանը: