ՀՀ 2008 Թ.-Ի ՊԵՏԲԻՒՋԷԻ ՆԱԽԱԳԾՈՎ ԿՐԹՈՒԹԵԱՆ ԲՆԱԳԱՒԱՌԻ
ԾԱԽՍԵՐԸ ԿԱԶՄԵԼՈՒ ԵՆ 103 ՄԼՐԴ 684 ՄԼՆ ԴՐԱՄ
31-10-2007 21:40:00 | Հայաստան | Տնտեսութիւն
ԵՐԵՎԱՆ, 31 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ 2008թ.-ի պետական
բիւջէի նախագծով կրթութեան բնագաւառի ծախսերը կազմելու են 103
մլրդ 684 մլն դրամ, ինչը 2007թ.-ի ցուցանիշից աւելի է 17 մլրդ
դրամով: Բիւջէի ընդհանուր ծախսային մասում կրթութեան բնագավաթի
ծախսերի տեսակարար կշիռը 2,95 տոկոս է` 2007թ.-ի 2,82 տոկոսի
դիմաց: ՀՀ Ազգայի Ժողովի մշտական յանձնաժողովների հոկտեմբերի 31-ի
համատեղ նիստում այս մասին յայտնեց ՀՀ ֆինանսների եւ էկոնոմիկայի
փոխնախարար Պաւել Սաֆարեանը:
Ըստ նրա, կրթութեան բնագաւառի ֆինանսաւորման աճը հիմնականում
պայմանաւորուած է մանկավարժական, վարչական, ուսումնաօժանդակ եւ
տնտեսական աշխատողների աշխատավարձերի աճով: Ըստ այդմ,
հանրակրթութեան ոլորտում ուսուցչի միջին ամսական հաշուարկային
աշխատավարձը մէկ դրոյքի հաշւով, ներառեալ լրացուցիչ
վարձատրությունները, կկազմի 89,6 հազար դրամ` 2007թ-ի 56,3 հազար
դրամի փոխարէն: Աճը կազմում է շուրջ 21 տոկոս: Վարչական
աշխատողների (դպրոցների ղեկավար անձնակազմի) դրոյքների միջին
ամսական հաշուարկային աշխատավարձը կկազմի 136 հազար դրամ` 2007թ.-ի
76,3 հազար դրամի (մօտ 230 ԱՄՆ դոլար) դիմաց: