ԼԵՀԱՍՏԱՆԻ ՆԱԽԿԻՆ ՆԱԽԱԳԱՀ ԼԵԽ ՎԱԼԵՆՍԱՆ ԿԱՐՈՂ Է ԴԱՌՆԱԼ
ԼԵՀԱՍՏԱՆԻ ՆՈՐ ԴԵՍՊԱՆԸ ԱՄՆ-ՈՒՄ
31-10-2007 16:32:00 | | Միջազգային
ՎԱՐՇԱՒԱ, 31 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Լեհաստանի նախկին
նախագահ, Խաղաղութեան Նոբելեան մրցանակի դափնեկիր Լեխ Վալենսան
կարող է դառնալ Լեհաստանի նոր դեսպանը ԱՄՆ-ում, հաղորդում է
լեհական «Մետրո» թերթը:
Այսպիսի առաջարկութիւն է Վալենսային արել Լեհաստանի ապագայ
նոր վարչապետ Դոնալդ Տուսկը:
«Դա ճիշտ է, ես առաջարկ ստացել եմ Տուսկից: Դրան
ոգեւորութեամբ եմ վերաբերւում, միշտ երազել եմ լինել պատուաւոր
հիւպատոսի պես մի բան: Ուզում եմ օգնել լեհական կառավարութեանը,
բայց մինչ օրս ոչ ոք չի ցանկացել օգտագործել իմ գիտելիքներն ու
փորձը»,- ասել է Վալենսան:
Լեհ վերլուծաբանները արդէն գովաբանում են Տուսկի այդ
գաղափարը, քանի որ Վալենսան, նրանց կարծիքով, իրոք կարող է օգնել
ուղղելու Լեհաստանի ծաղրական կերպարն արտասահմանում: