ԱՒԵԼԻ ՔԱՆ 30 ՄԱՐԴ Է ՎԻՐԱՒՈՐՈՒԵԼ ԻՍՐԱՅԵԼԻ ՀԻՒՍԻՍՈՒՄ
ԱՆԿԱՐԳՈՒԹԻՒՆՆԵՐԻ ՀԵՏԵՒԱՆՔՈՎ
30-10-2007 17:30:00 | | Միջազգային
ԹԵԼ ԱՒԻՒ, 30 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իսրայելի հիւսիսում
դրուզական Պնիին գիւղում հոկտեմբերի 30-ին բռնկած
անկարգութիւնների հետեւանքով վիրաւորուել է 37 մարդ, որոնցից 27-ը`
ոստիկաններ եւ բժիշկներ: Ծանր վիճակում հիւանդանոց է տեղափոխուել
կարգուկանի մի պահապան` գանգուղեղի վնասուածքով, եւ գիւղի մի
բնակիչ` հրազէնային վերքով:
Դրուզների եւ ոստիկանութեան միջեւ բախումները տեղի են ունեցել
այն բանից յետոյ, երբ մի խումբ երիտասարդներ փորձել են հրկիզել
բջջային կապի վերահաղորդիչը, որ վերջերս է կառուցուել Պնիինի մօտ:
Դրան խոչընդոտել փորձող ոստիկանական մեծ ջոկատին տեղացիները
դիմաւորել են քարերի տարափով եւ մահակներով: Մարմնական տարբեր
աստիճանի վնասուածքներ են ստացել նաեւ դէպքի վայր ժամանած «շտապ
օգնութեան» մի քանի աշխատակիցներ:
Ոստիկանութիւնը ձերբակալել է անկարգութիւնների հինգ
մասնակցի եւ լքել գիւղի տարածքը: Իրավիճակը կարգաւորելու համար
բանակցութիւններ են ընթանում Պնիինի աւագների հետ: