ԱՎԵԼԻ ՔԱՆ 30 ՄԱՐԴ Է ՎԻՐԱՎՈՐՎԵԼ ԻՍՐԱՅԵԼԻ ՀՅՈՒՍԻՍՈՒՄ
ԱՆԿԱՐԳՈՒԹՅՈՒՆՆԵՐԻ ՀԵՏԵՎԱՆՔՈՎ
30-10-2007 17:30:00 | Իսրայել | Միջազգային
ԹԵԼ ԱՎԻՎ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Իսրայելի հյուսիսում
դրուզական Պնիին գյուղում հոկտեմբերի 30-ին բռնկած
անկարգությունների հետեւանքով վիրավորվել է 37 մարդ, որոնցից 27-ը`
ոստիկաններ եւ բժիշկներ: Ծանր վիճակում հիվանդանոց է տեղափոխվել
կարգուկանի մի պահապան` գանգուղեղի վնասվածքով, եւ գյուղի մի
բնակիչ` հրազենային վերքով:
Դրուզների եւ ոստիկանության միջեւ բախումները տեղի են ունեցել
այն բանից հետո, երբ մի խումբ երիտասարդներ փորձել են հրկիզել
բջջային կապի վերահաղորդիչը, որ վերջերս է կառուցվել Պնիինի մոտ:
Դրան խոչընդոտել փորձող ոստիկանական մեծ ջոկատին տեղացիները
դիմավորել են քարերի տարափով եւ մահակներով: Մարմնական տարբեր
աստիճանի վնասվածքներ են ստացել նաեւ դեպքի վայր ժամանած «շտապ
օգնության» մի քանի աշխատակիցներ:
Ոստիկանությունը ձերբակալել է անկարգությունների հինգ
մասնակցի եւ լքել գյուղի տարածքը: Իրավիճակը կարգավորելու համար
բանակցություններ են ընթանում Պնիինի ավագների հետ: