«ԲՐԻԹԻՇ ՓԵԹՐՈԼԵՈՒՄԸ» ՏՈՒԳԱՆՎԵԼ Է ԱՒԵԼԻ ՔԱՆ 400 ՄԻԼԻՈՆ ԴՈԼԱՐ
26-10-2007 14:50:00 | ԱՄՆ | Միջազգային
ՎԱՇԻՆԳՏՈՆ, 26 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: «Բրիթիշ փեթրոլեում»
նաւթային գիգանտը ամերիկեան կառավարութեանը կվճարի 373 մլն դոլարի
չափով տուգանք ընկերութեան կողմից վառելիքի գներով
մեքենայութիւնների եւ էկոլոգիական օրէնքների խախտման գործով
հետաքննութիւնների դադարեցման համար:
Ընկերութիւնը 50 մլն դոլարի չափով տուգանք կվճարի նաեւ 2005
թուականին Տեխասի նահանգում գտնուող իր նաւթավերամշակման գործարանում
տեղի ունեցած պայթիւնից յետոյ, երբ զոհուել էին 15 եւ վիրաւորուել
170-ից աւելի բանուորներ, Մաքուր օդի մասին օրէնքի խախտման համար:
Ընկերութիւնը 20 մլն դոլար էլ կվճարի Ալեասկայի նահանգին նրա
տարածքում գազի արտահոսքի համար: