«ԲՐԻԹԻՇ ՓԵԹՐՈԼԵՈՒՄԸ» ՏՈՒԳԱՆՎԵԼ Է ԱՎԵԼԻ ՔԱՆ 400 ՄԻԼԻՈՆ ԴՈԼԱՐ
26-10-2007 14:50:00 | ԱՄՆ | Միջազգային
ՎԱՇԻՆԳՏՈՆ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: «Բրիթիշ փեթրոլեում»
նավթային գիգանտը ամերիկյան կառավարությանը կվճարի 373 մլն դոլարի
չափով տուգանք ընկերության կողմից վառելիքի գներով
մեքենայությունների եւ էկոլոգիական օրենքների խախտման գործով
հետաքննությունների դադարեցման համար:
Ընկերությունը 50 մլն դոլարի չափով տուգանք կվճարի նաեւ 2005
թվականին Տեխասի նահանգում գտնվող իր նավթավերամշակման գործարանում
տեղի ունեցած պայթյունից հետո, երբ զոհվել էին 15 եւ վիրավորվել
170-ից ավելի բանվորներ, Մաքուր օդի մասին օրենքի խախտման համար:
Ընկերությունը 20 մլն դոլար էլ կվճարի Ալյասկայի նահանգին նրա
տարածքում գազի արտահոսքի համար: