ԱՆԿԱՐԱՅՈՒՄ ԱՆՑԿԱՑՈՒԵԼ Է ՍԾՏՀ-Ի ԱՆԴԱՄ ԵՐԿՐՆԵՐԻ
ԱՐՏԳՈՐԾՆԱԽԱՐԱՐՆԵՐԻ ԽՈՐՀՐԴԻ 17-ՐԴ ՀԱՆԴԻՊՈՒՄԸ
25-10-2007 21:00:00 | | Տնտեսութիւն
ԱՆԿԱՐԱ, 25 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 25-ին
Անկարայում կայացել է ՍԾՏՀ անդամ երկրների արտաքին գործերի
նախարարների խորհրդի 17-րդ հանդիպումը, որով աւարտուել է
կազմակերպութիւնում Թուրքիայի նախագահութեան շրջանը:
Խորհրդում Հայաստանը ներկայացրել է ՀՀ փոխարտգործնախար Արման
Կիրակոսեանը: Իր ելոյթում նա կարեւորել է բազմակողմանի տնտեսական
համագործակցութեան դերը տարածաշրջանում խաղաղութեան, կայունութեան
եւ անվտանգութեան հաստատման առումով: Ա.Կիրակոսեանը նշել է, որ
Հայաստանն առանձնակի ուշադրութիւն է դարձնում տարածաշրջանի
տրանսպորտային ուղիների եւ ենթակառուցուածքների ընդլայնմանն ու
զարգացմանը;
Ըստ ՀՀ ԱԳՆ Մամուլի եւ տեղեկատուութեան վարչութիւնից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, հանդիպման աւարտին ընդունուել
է «Անկարայի հռչակագիրը», որտեղ ամփոփուել են թուրքական
նախագահութեան արդիւնքները եւ նախանշուել առաջիկայում
կազմակերպութեան գործունէութեան ուղղութիւնները: