ՀՀԿ-Ի ԵՎ ՌՀԿ-Ի ՊԱՏՈՒԻՐԱԿՈՒԹԵԱՆ ԱՆԴԱՄՆԵՐԸ ԱՅՑԵԼԵՑԻՆ ԵՐԵՒԱՆԻ
ՊՈՒՇԿԻՆԻ ԱՆՈՒԱՆ ԴՊՐՈՑ
15-10-2007 19:15:00 | Հայաստան | Հասարակութիւն
ԵՐԵՎԱՆ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Համաշխարհային հայկական
կոնգրեսի (ՀՀԿ) եւ Ռուսաստանի հայերի միութեան (ՌՀԿ) հոկտեմբերի
14-17-ին Հայաստանում եւ Արցախում անցկացուող օրերի շրջանակներում
ՀՀԿ-ի եւ ՌՀՄ-ի պատուիրակութեան անդամները հոկտեմբերի 15-ին
այցելեցին Երեւանի Ա.Պուշկինի անուան թիւ 8 միջնակարգ դպրոց: Նրանք
մասնակցեցին բաց դասերին, հանդիպեցին դպրոցի Գեղագիտական կենտրոնի
սաների հետ:
Ինչպէս նշեց ՀՀԿ-ի հայաստանեան մասնաճիւղի աւագ ռեֆերենտ
Ջուլիետա Հովումյանը, պատուիրակութեան անդամները կայցելեն նաեւ
Գեղարքունիքի եւ Լոռու մարզեր, ուր նախատեսւում են համակարգչային
դասարանների բացում, հանդիպումներ գործարարների, հասարակական
կազմակերպութիւնների ներկայացուցիչների հետ եւ այլ միջոցառումներ: